Лінкі ўнівэрсальнага доступу

Лукашэнка звольніў намесьніка міністра па надзвычайных сытуацыях за правіны


Дзьмітры Бягун

Кіраўнік Беларусі Аляксандар Лукашэнка звольніў намесьніка міністра па надзвычайных сытуацыях Дзьмітрыя Бегуна.

Як гаворыцца ў адпаведным указе ад 2 траўня — за правіны, якія дыскрэдытуюць званьне работніка органаў і падразьдзяленьняў па надзвычайных сытуацыях.

21 сакавіка Аляксандар Лукашэнка падчас размовы ў Магілёве з работнікамі прадпрыемстваў кампаніі «Кронаспан» пракамэнтаваў затрыманьне Дзьмітрыя Бегуна.

«Хабар браў. На месцы ўзялі ўсіх. Чаго крыўдзіцца на мяне? Усе аднолькавыя перад законам: і міністры, і намесьнікі міністраў. Сьвеціць восем гадоў мінімум. Дарабіць да генэральскай пасады, каб у турме правесьці час».

Паводле БелТА, Дзьмітры Бягун падазраецца ў атрыманьні хабару ад бізнэсоўца за ўвод у строй абʼекта з парушэньнем патрабаваньняў супрацьпажарнай бясьпекі.

Дзьмітры Бягун быў прызначаны намесьнікам міністра па надзвычайных сытуацыях у 2015 годзе. Раней ён займаў пасаду начальніка сталічнага ўпраўленьня МНС.

Ваша меркаваньне

Паказаць камэнтары

XS
SM
MD
LG