Лінкі ўнівэрсальнага доступу

«Наша музыка — не для прапаганды». Беларускі гурт дамогся выдаленьня з Youtube фільму пра «Белы легіён»


Па просьбе беларускіх музыкаў з гурту Irdorath сэрвіс Youtube выдаліў фільм Белтэлерадыёкампаніі «Белый легион чёрных душ».

Адзін са стваральнікаў гурту Ўладзімер распавёў Радыё Свабода, што музыкі падалі скаргу на тэлеканал, паколькі той без дазволу гурту выкарыстаў іх кампазыцыю.

«Мы сваю музыку ніколі не асацыявалі з палітыкай, а тым больш з дзяржпрапагандай. Тым больш пад такім кантэнтам мы б ніколі не падпісаліся. Гэты фільм быў зроблены па замове пасьля вядомых падзеяў. Наша музыка там гучаць не павінна, і нашага імя там быць не павінна».

Аўтарскія правы на выкарыстаную песьню належаць Надзеі, ідэйнай натхняльніцы гурту Irdorath. Менавіта яна падала скаргу. Аднак, паводле музыкаў, судзіцца з БТ яны не зьбіраюцца.

«Судзіцца з такім гігантам — гэта трэба жыцьцё на гэта пакласьці. Але нас задавальняе і гэты вынік. Youtube адрэагаваў хутка. І пакуль мы не плянуем судзіцца» — сказаў Уладзімер.

Без дазволу праваўладльніка ў фільме БТ была выкарыстаная вось гэтая кампазыцыя:

Фільм «Белы легіён чорных душ» БТ паказала 12 красавіка. Свабода падрабязна прааналізавала зьмест і пасланьні фільму, якія афіцыйная прапаганда выслала празь яго грамадзтву.

Ваша меркаваньне

Паказаць камэнтары

XS
SM
MD
LG