Паліцыя бясьпекі Эстоніі затрымала грамадзяніна Расеі, які працаваў на Галоўнае выведвальнае ўпраўленьне РФ. Пра гэта паведаміў генэральны дырэктар Паліцыі бясьпекі Эстоніі Арнольд Сінісалу.
Паводле Сінісалу, гэта першы выпадак, калі ў Эстоніі ўдалося злавіць агента ГРУ.
Затрыманьне, пра якое афіцыйна паведамляецца толькі цяпер, адбылося яшчэ ў студзені.
Арыштаванага грамадзяніна Расеі падазраюць у ажыцьцяўленьні дзеяньняў, накіраваных супраць незалежнасьці і тэрытарыяльнай цэласнасьці Эстоніі. Яму пагражае турэмнае зьняволеньне да 10 гадоў.
