Перадача прысьвячаецца пяцісотгодзьдзю айчыннага кнігадруку. За гэты час беларусы выдалі шэраг выдатных кніг, якія ня толькі ўплываюць на духоўны стан грамадзтва, але і праславілі Беларусь у сьвеце. Вяршыняй прызнаньня беларускай літаратуры і беларускай кнігі стала Нобэлеўская прэмія Сьвятлане Алексіевіч. А якія кнігі, створаныя ў апошнія дзесяцігодзьдзі, вартыя ўвайсьці ў рэйтынг беларускай “пяцісотгоднасьці”? І якія выдатныя тэксты, творы беларускай літаратуры ня сталі выдатнымі кнігамі, а мо нават і проста кнігамі? Урэшце – якія пэрспэктывы мае беларуская кніга? Гутарка Вячаслава Ракіцкага з пісьменьнікам, публіцыстам Сяргеем Дубаўцом.