Лінкі ўнівэрсальнага доступу

Сутыкненьне электрычкі і цягніка Масква — Берасьце: дзясяткі пацярпелых, сярод іх беларусы

абноўлена

Цягнік Масква — Берасьце сутыкнуўся з электрычкай у Маскве
пачакайце

No media source currently available

0:00 0:00:32 0:00

Цягнік Масква — Берасьце сутыкнуўся з электрычкай у Маскве

Электрычка і цягнік «Масква — Берасьце» сутыкнуліся на захадзе Масквы недалёка ад Беларускага вакзала.

Сутыкненне справакаваў мужчына, які пераходзіў пуці ў неналежным месцы. Машыніст электрычкі экстрана затармазіў на ўздыме, састаў скаціўся назад і зачапіў цягнік Масква — Берасьце, у якім знаходзіліся 450 пасажыраў.

У выніку здарэньня два вагоны сышлі з рэек. Аварыя паралізавала чыгуначныя зносіны на Беларускім кірунку, пашкодзіла высакавольтныя лініі электраперадачы.

Паводле інфармацыі Беларускай чыгункі, адразу пасля аварыі былі шпіталізаваныя 8 чалавек.

Паводле паведамленьня з афіцыйнага твітэра МЗС Беларусі, сярод пацярпелых — два грамадзяніны Беларусі.

Адзін зь іх — музыка Раман Волазьнеў, пераможца конкурсу кавэраў на песьню «Радыё Свабода» ў 2014 годзе.

Пасьля здарэньня яго даставілі ў Навукова-дасьледчы інстытут хуткай дапамогі імя Скліфасоўскага. Там Свабодзе па тэлефоне паведамілі, што ў выніку сутыкненьня Раман атрымаў рану на правай скроні, яму аказалі неабходную мэдыцынскую дапамогу і раніцай 9 красавіка выпісалі.

У электрычцы ехалі каля 20 пасажыраў, ніхто зь іх не пацярпеў.

Усяго да мэдыкаў зьвярнуліся каля 50 чалавек, у асноўным — з ударамі і парэзамі шклом, паведамляе «Інтэрфакс».

Сьпіс шпіталізаваных

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG