Лінкі ўнівэрсальнага доступу

Маленькая кветка


Фэдэрыка Андрэоці, «Сэрэнада»
Фэдэрыка Андрэоці, «Сэрэнада»

— Запiсала «Маленькую кветку»?

— Так. Але якасьць ня вельмi.

— Нiчога. Дай перапiсаць.

Замежныя радыёстанцыi. Сьвет музыкi. Касэтныя магнiтафоны. Мэтры карычневых стужак. Часта рвалiся. Склейвалi. Дзялiлiся запiсамi навiнак. Слухалi. Танчылi пад iх у коле сяброў. Гэтак было…

Сёньня ўсё значна прасьцей. Iнтэрнэт. Пошук. Гатова! Даступны ўвесь сьвет. Слухай, глядзi, спампоўвай. Выдатная якасьць гуку.

Нацiскаю на чарговую кнопку, i здаўна знаёмая мэлёдыя нясе мяне ў касьмiчную бязважкасьць музыкi, дзе няма межаў, нi часу, нi прасторы. Гучыць «Маленькая кветка».

I раптам лаўлю сябе на думцы, што няма таго адчуваньня захопленай радасьцi — «злавiла», запiсала, ёсьць!!!

Сапраўды, чалавек — загадка…

Вiкторыя Грыніна

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG