Лінкі ўнівэрсальнага доступу

Партыя БНФ прапануе Палаце прадстаўнікоў стварыць камісію ў справе гвалту 25 сакавіка


Жорсткія кадры затрыманьняў і зьбіцьця на Дні Волі
пачакайце

No media source currently available

0:00 0:01:39 0:00

Жорсткія кадры затрыманьняў і зьбіцьця на Дні Волі. Відэа

Партыя БНФ прапанавала дэпутатам Палаты прадстаўнікоў ініцыяваць стварэньне парлямэнцкай камісіі, каб высьветліць абставіны сакавіцкіх падзеяў.

4 красавіка старшыня Партыі БНФ Аляксей Янукевіч і ягоныя намесьнікі Рыгор Кастусёў, Вольга Лагвіновіч і Алесь Стральцоў перадалі імянныя звароты ў Палату прадстаўнікоў — іх атрымае кожны са 110 дэпутатаў.

У дакумэнце адзначаецца, што сябры партыі, як і многія грамадзяне Беларусі, абураныя аднаўленьнем практыкі масавых затрыманьняў, зьбіваньня і арыштаў удзельнікаў мірных акцыяў пратэсту. Зьвяртаецца ўвага і на абуральныя факты рэпрэсіяў супраць беларускіх і замежных журналістаў.

Прадстаўнікі БНФ прапануюць дэпутатам стварыць парлямэнцкую камісію, каб высьветліць акалічнасьці так званай «справы баевікоў», а таксама масавых затрыманьняў і гвалту над удзельнікамі мірных акцыяў 15 і 25 сакавіка ў сталіцы, а таксама «маршаў недармаедаў» у розных гарадах гэтай вясной.

Пасьля перадачы звароту ў Палату прадстаўнікоў Рыгор Кастусёў расказаў Свабодзе:

Рыгор Кастусёў (справа) і старшыня Партыі БНФ Аляксей Янукевіч, архіўнае фота
Рыгор Кастусёў (справа) і старшыня Партыі БНФ Аляксей Янукевіч, архіўнае фота

«У аддзел дакумэнтазвароту перададзена 110 пэрсанальных зваротаў, адрасна для кожнага дэпутата. Натуральна, хацелася б, каб адбылося тое, пра што мы, уласна кажучы, і напісалі. Мы патрабуем стварэньня камісіі ў справе расьсьледаваньня падзеяў 25 сакавіка ў Менску і іншых дзён у рэгіёнах, правядзеньня слуханьняў, а па іх выніках — канкрэтных высноў.

Так, спадзяваньні абмежаваныя, але хоць такім чынам хочам зьвярнуць увагу ўладаў, асабліва ў пэрыяд, калі сілавікі сьцьвярджаюць, што супрацоўнікі міліцыі нават не даставалі сваіх дубінак. Гэта пры тым, што ёсьць і відэазапісы, і фотаздымкі, якія сьведчаць: супраць грамадзянаў, якія выйшлі на вуліцу, была ўжытая сіла. Людзі жорстка зьбітыя, затрыманыя, асуджаныя. На наша перакананьне, гэта зьдзек з народу, злачынства, а злачынства павінна быць пакаранае. Цягам месяца на наш зварот павінны адрэагаваць і даць адказ».

Актывісты Партыі БНФ перакананыя: тыя, хто прымаў палітычныя рашэньні, рыхтаваў і выконваў загады дзеля раскруткі палітычна матываванай крымінальнай справы «аб падрыхтоўцы масавых беспарадкаў», аб забароне мірнай дэманстрацыі ў Дзень Волі, масавых арыштах удзельнікаў акцыяў 25 і 26 сакавіка, а таксама тыя, хто ажыцьцяўляе прапагандысцкую падтрымку гэтых дзеяньняў, працуюць на міжнародную ізаляцыю беларускай дзяржавы, наносячы шкоду нацыянальным інтарэсам Беларусі.

Ваша меркаваньне

Паказаць камэнтары

Вам можа яшчэ спадабацца

XS
SM
MD
LG