84-гадовы Еўтушэнка — аўтар больш 150 кніг, перакладзеных на многія мовы сьвету. Ён вядомы як паэт, празаік, рэжысэр, сцэнарыст, публіцыст і актор. У 1963 году Еўтушэнка быў намінаваны на Нобэлеўскую прэмію па літаратуры.
У 1991 годзе паэт разам зь сям’ёй зьехаў у ЗША, дзе стаў выкладаць ва ўнівэрсытэце ў горадзе Талса. Там ён жыў да цяперашняга часу, пры гэтым рэгулярна выступаючы ў Расеі.
Яўгеній Еўтушэнка ня раз заяўляў, што ён моцна зьвязаны зь Беларусьсю, паколькі ягоная маці — беларуска. У 2011 годзе ён выступаў у падтрымку арыштаванага і асуджанага кандыдата ў прэзыдэнты Беларусі, паэта Ўладзімера Някляева, зь якім сябраваў.
