Лінкі ўнівэрсальнага доступу

Блогера Філіповіча асудзілі яшчэ на 7 сутак за акцыю пратэсту ў Маладэчне


Максім Філіповіч у судзе
Максім Філіповіч у судзе

Пра новы тэрмін паведаміў начальнік РАУС Савецкага раёну Гомелю.

Сёньня каля 30 чалавек прыйшлі сустракаць Максіма Філіповіча да ізалятару часовага ўтрыманьня ў Гомелі. Філіповіча меліся вызваліць пасьля паўторнага арышту — агулам за акцыі пратэсту ён ужо адседзеў 19 сутак.

23 сакавіка Савецкі раённы суд Гомеля дадаткова арыштаваў яго на 5 сутак. Ён быў зьвінавачаны ва ўдзеле ў мірнай акцыі пратэсту ў Берасьці, справу разглядаў судзьдзя Аляксандар Мохараў.

На той момант блогер ужо адбываў 14-суткавы арышт за ўдзел у акцыі пратэсту супраць «дармаедзкага» дэкрэту № 3 у Пінску. Неўзабаве ён абвясьціў галадоўку, якую спыніў 18 сакавіка.

Максіма Філіповіча затрымалі байцы АМАПу 13 сакавіка ў 20:45 у доме ягоных бацькоў у Гомельскім раёне. Максім трансьляваў сваё затрыманьне ў Facebook.

Раней, падчас акцыі пратэсту супраць дэкрэту № 3 у Пінску, яго спрабавалі выкрасьці невядомыя.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG