Лінкі ўнівэрсальнага доступу

У Расеі ў нядзелю затрыманыя больш за тысячу ўдзельнікаў антыўрадавах акцыяў


Падчас акцыі пратэсту ў Маскве

На акцыю супраць карупцыі, арганізаваную Аляксеем Навальным, выйшлі людзі ў дзясятках гарадоў Расеі, у большасьці выпадкаў мерапрыемства не было ўзгоднена зь мясцовымі ўладамі.

У Маскве акцыя праходзіла ў выглядзе прагулкі, у якой прынялі ўдзел, паводле розных зьвестак, ад 8 да 20 тысяч чалавек. Праваабарончы праект «ОВД-Инфо» паведамляе больш як пра 700 затрыманых; гэта больш, чым было пяць гадоў таму падчас падзей на Балотнай плошчы. Паліцыя ўжывала сілу да актывістаў. У мэрыі Масквы дзеяньні паліцэйскіх назвалі «бездакорнымі».

Акцыя пратэсту ў Маскве
Акцыя пратэсту ў Маскве

У самым пачатку акцыі паліцыя затрымала апазыцыянэра Аляксея Навальнага. Цяпер ён знаходзіцца ў АУС «Канькова», дзе застанецца да суду, які прызначаны на 27 сакавіка. У паліцыю ў нядзелю таксама былі дастаўлены супрацоўнікі Фонду барацьбы з карупцыяй (ФБК), якія вялі анлайн-трансьляцыю з антыкарупцыйных мітынгаў па ўсёй краіне. У офісе арганізацыі прайшоў ператрус у сувязі са справай паводле артыкулу аб «ўзбуджэньні нянавісьці альбо варожасьці».

Акцыя пратэсту ў Маскве
Акцыя пратэсту ў Маскве

У Пецярбургу на акцыю пратэсту выйшлі каля сямі тысяч чалавек. Спачатку яны мітынгавалі на Марсавым полі, пасьля чаго рушылі на Палацавую плошчу. Акцыя завяршылася шпацырам па горадзе і затрыманьнямі на плошчы Паўстаньня. Усяго, паводле зьвестак інтэрнэт-выданьня «Папера», у паліцыю трапілі каля 50 чалавек.

У Дагестане на антыкарупцыйнай акцыі былі затрыманыя 150 актывістаў. Паліцыянты таксама перашкаджалі правядзеньню мітынгу.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG