Лінкі ўнівэрсальнага доступу

Ужо сёньня: заплянаваныя акцыі пратэсту па ўсёй Беларусі


Дзень Волі ў Берасьці, 25 сакавіка 2017 году

Падзеі 26 сакавіка ў беларускай і сусьветнай гісторыі, а таксама афіша на сёньня.

Што будзе?

На 26 сакавіка на 12-ю гадзіну заплянаваныя акцыі пратэсту супраць Дэкрэту №3 у розных гарадах Беларусі. На знак пратэсту супраць масавых затрыманьняў у Дзень Волі актывісты заклікаюць выходзіць на Кастрычніцкую плошчу ў Менску а 12-й гадзіне.

Афіша

«Беларускія ўікэнды» ў Менску

Аб’яднаньне «Кінаконг» і кінатэатар «Масква» правядзе дадатковы «Беларускі ўікэнд» — сэрыю паказаў кіно, агучанага па-беларуску. На 26 сакавіка заплянаваны мультфільм «Таямніца Келза» — казачная гісторыя, заснаваная на рэальных падзеях 9 стагодзьдзя ў Ірляндыі.

Кінатэатар «Масква» (праспэкт Пераможцаў, 13 ).
Пачатак у 17:50.
Квіткі каштуюць 5 рублёў.

Вечар беларускамоўнага хіп-хопу

У віцебскім арт-пабе Торвальд выступіць праект Belaroots, які абʼяўдноўвае музыкаў Angst, Zeman і Kontra, а таксама рэпер Вожык. Удзельнікі Belaroots прэзэнтуюць на імпрэзе свой новы альбом «Аднакарэнныя».

Дзень у гісторыі

1944 — У Менску ў гарадзкім тэатры адбылася прэм’ера опэры «Усяслаў Чарадзей» М. Шчаглова-Куліковіча на вершы Н. Арсеньневай.

1944 — У часе Другой сусьветнай вайны савецкія войскі ля горада Бельцы выйшлі да дзяржаўнай мяжы СССР.

1948 — Увядзеньне ЗША эмбарга на гандаль так званымі стратэгічнымі таварамі з сацыялістычнымі краінамі.

1953 — Джонас Солк абвяшчае стварэньне вакцыны ад поліяміэліту.

1971 — Банглядэш (Усходні Пакістан) абвяшчае сваю незалежнасьць ад Пакістану.

1979 — Ізраільскі прэм’ер-міністар Менахем Бэгін і прэзыдэнт Эгіпту Анвар Садат падпісалі эгіпецка-ізраільскую мірную дамову пасьля двух гадоў перамоваў.

1988 — Утварэньне заснавальніцкага камітэту Беларускага Аб’яднаньня Студэнтаў (БАС) у Польшчы.

1995 — Пачынае дзейнічаць Шэнгенскае пагадненьне.

2000 — Уладзімер Пуцін абраны прэзыдэнтам Расеі.

У гэты дзень нарадзіліся

1874 — Робэрт Фрост, амэрыканскі пісьменьнік.

1911 — Тэнэсі Ўільямс, амэрыканскі пісьменьнік.

1940 — Міхаіл Касьцюк, беларускі гісторык, акадэмік НАНБ.

1942 — Іван Арабейка, беларускі паэт.

1949 — Патрык Зюскінд, нямецкі пісьменьнік.

1960 — Віктар Шніп, беларускі паэт.

У памяці

1827 — памёр Людвіг ван Бэтховэн, нямецкі кампазытар.

1923 — памерла Сара Бэрнар, француская акторка.

1932 — памер Зігмунд Лазінскі, беларускі каталіцкі рэлігійны дзеяч, біскуп.

Ваша меркаваньне

Паказаць камэнтары

XS
SM
MD
LG