Лінкі ўнівэрсальнага доступу

Міхась Скобла з «Камізэлькай для месяца» — ляўрэат «Глінянага Вялеса»


Міхась Скобла, архіўнае фота

Пісьменьнік, паэт і аўтар перадачы «Вольная студыя» на Радыё Свабода Міхась Скобла названы ляўрэатам штогадовай прэміі «Гліняны Вялес», перадае Радыё Рацыя.

Яго адзначылі за кнігу 2016 году «Камізэлька для месяца», у якую ўвайшлі пераклады і дзіцячыя вершы. Прадмову да кнігі напісаў паэт Уладзімер Някляеў. Апытаныя Свабодай экспэрты называлі «Камізэльку для месяца» ў ліку найлепшых кніг па-беларуску ў 2016 годзе.

Сёлета Скобла таксама стаў ляўрэатам прэміі часопіса «Дзеяслоў» «Залаты Апостраф» за нізку вершаў «Кансэрвацыя агню». Таксама ў 2016 годзе Скобла выдаў «Саркафагі страху» — за яе ён сёлета атрымаў беларуска-ўкраінскую літаратурную прэмію «Воін сьвятла» імя Міхася Жызьнеўскага.

У шорт-ліст «Глінянага Вялеса» сёлета таксама ўвайшлі кнігі Валерыя Гапеева, Віктара Жыбуля, Альжбэты Кеды, Насты Кудасавай, Алены Ніякоўскай і Сяргея Плескача. Прэмію маюць уручыць у траўні ў Полацку ці Менску. «Гліняны Вялес» выдаецца аўтару ня больш як адзін раз за жыцьцё.

Яшчэ на гэтую тэму

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG