Лінкі ўнівэрсальнага доступу

«Рэвалюцыя» пераносіцца на 26 красавіка? У сеціве ад імя Статкевіча заклікаюць не хадзіць на Дзень Волі


Мікалай Статкевіч

Праз адмыслова створаную групу ў мэсэнджары Viber ад імя Міколы Статкевіча з аднаго зь ягоных нумароў, якім палітык ужо не карыстаецца, распаўсюджваецца заклік «адмовіцца ад збору каля Акадэміі навук або ў іншых людных месцах 25 сакавіка».

Такое самае паведамленьне распаўсюджваецца ад імя Міколы Статкевіча ў сацыяльнай сетцы ЎКантакце. У паведамленьні прапаноўваецца «правесьці гэтую суботу зь сям’ёй, блізкімі і сябрамі, зьберагчы сябе для будучай барацьбы».

Паводле паведамленьня, Рада Беларускага нацыянальнага кангрэсу працуе над новымі мерапрыемствамі, наступная дата — 26 красавіка, Чарнобыльскі шлях.

«Мы абавязкова і вельмі хутка вернемся на вуліцы нашай сталіцы і пакажам уладам, хто сапраўдны гаспадар у краіне! Рада Беларускага нацыянальнага кангрэсу працуе над новымі мерапрыемствамі, наступная дата — 26 красавіка, Чарнобыльскі шлях. Гэта будзе новы фармат, які стане шокам для рэжыму і пачаткам яго канца», — напісана ў паведамленьні.

У «Фэйсбуку», якім Мікола Статкевіч рэгулярна карыстаецца, такога паведамленьня няма.

Свабода спрабавала атрымаць камэнтар Статкевіча з нагоды гэтага паведамленьня, але ягоны тэлефон не адказвае, праз «Фэйсбук» адказу таксама пакуль няма.

Глядзець камэнтары (16)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG