Лінкі ўнівэрсальнага доступу

У судзе Ленінскага раёну будуць судзіць Статкевіча і Някляева


Мікола Статкевіч (зьлева) і Ўладзімер Някляеў

23 сакавіка аб 11.30 у судзе Ленінскага раёну гораду Менску мае адбыцца разгляд адміністрацыйнай справы Міколы Статкевіча і Ўладзімера Някляева за іх удзел у несанкцыянаванай акцыі 17 лютага ў сталіцы.

Раней пасяджэньне было прызначана на 20 сакавіка, але абодва палітыкі ў суд не зьявіліся і разгляд справы перанесьлі.

Як паведаміла памочніца старшыні Менскага гарадзкога суду Настасься Шыльвян, у выпадку паўторнай няяўкі судзьдзя вырашыць, што рабіць. Ня выключана, што Статкевіча і Някляева будуць судзіць завочна. У дачыненьні абодвух палітыкаў заведзены адміністрацыйныя справы паводле часткі 3 артыкулу 23.34 (паўторнае парушэньне парадку правядзеньня масавых мерапрыемстваў і ўдзел у іх).

20 сакавіка Мікола Статкевіч казаў, што не пайшоў у суд, бо не атрымаў позвы.

Уладзімер Някляеў з 22 сакавіка знаходзіцца ў Варшаве, дзе сустракаецца з польскімі палітыкамі. У Беларусь ён вернецца 24 сакавіка.

Ваша меркаваньне

Паказаць камэнтары

XS
SM
MD
LG