Лінкі ўнівэрсальнага доступу

Экскурсію ў Курапаты правядзе Мікола Крывальцэвіч, які браў удзел у эксгумацыях магілаў у 1988 годзе


Экскурсія ў Курапаты 26 лютага.

Ад 26 лютага штосуботу праходзяць бясплатныя экскурсіі ва ўрочышча Курапаты, месца згубы ахвяраў сталінскіх рэпрэсій.

Ініцыятыва распачалася, калі паўстаў лягер абаронцаў Курапатаў супраць забудовы ля ўрочышча, яна працягваецца і пасьля таго, як забудоўшчык вырашыў адмовіцца ад будаўніцтва ля Курапатаў.

18 сакавіка экскурсію правядзе вядомы археоляг Мікола Крывальцэвіч, які ў 1988 годзе ў якасьці экспэрта браў удзел у эксгумацыях у Курапатах.

Збор а 12-й гадзіне каля Крыжа Пакутаў.

Як нагадвае грамадзкая актывістка адна з заснавальніц Віртуальнага музэя савецкіх рэпрэсіяў Валерыя Чарнаморцава, кожную суботу а 12-й гадзіне вядомыя гісторыкі, археолягі, краязнаўцы, экскурсаводы праводзяць бясплатныя экскурсіі ва ўрочышча Курапаты- месца сталінскіх расстрэлаў 1937-1941 гг., сымбаль сталінскіх рэпрэсіяў у Беларусі.

«Прыходзьце самі. Запрашайце сяброў і знаёмых! Толькі памяць пра трагічныя старонкі нашай мінуўшчыны можа даць нам шанец на будучыню незалежнай Беларусі!», — заклікае Валерыя Чарнаморцава.

  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

XS
SM
MD
LG