Лінкі ўнівэрсальнага доступу

«Зялёныя чалавечкі» зноў у крымскім парлямэнце. Відэа


Помнік «ветлівым людзям» у Крыме

У залі сэсіяў крымскага парлямэнту адбыўся канцэрт з удзелам «ветлівых людзей». Мерапрыемства было прымеркавана да трэцяй гадавіны «рэфэрэндуму пра ўзьяднаньне паўвострава з Расеяй». Відэа выступу апублікаваў на сваёй старонцы ў Facebook дэпутат Дзярждумы ад Рэспублікі Крым Андрэй Казянкоў.

На запісы відаць, як узброеныя спэцназаўцы ў масках разам з дэпутатамі сядзяць у залі і слухаюць выступ маленькай дзяўчынкі, апранутай у рускі нацыянальны касьцюм. Потым яны салютуюць ёй вайсковым прывітаньнем.

Тэрмін «ветлівыя людзі» або «зялёныя чалавечкі» атрымаў распаўсюджаньне ў сувязі з анэксіяй Крыму Расеяй. Так у інтэрнэце сталі называць ўзброеных людзей у зялёнай форме і ў масках, якія ўдзельнічалі ў апэрацыі, што праходзіла на тэрыторыі паўвострава ў лютым-сакавіку 2014 году. «Зялёныя чалавечкі» знаходзіліся ў залі парлямэнту, калі прымалася рашэньне пра рэфэрэндум аб далучэньні Крыму да Расеі. Яны былі экіпіраваныя ў расейскую вайсковую форму найнавейшага ўзору, але бяз знакаў адрозьненьня. Улады Крыму пазьней настойвалі, што гэта быў не расейскі спэцназ, а «народнае апалчэньне». Хаця ў сетках зьяўляліся відэасьведчаньні, дзе «ветлівыя людзі» прызнаваліся, што служаць у расейскім войску, аднак міністар абароны Расеі Сяргей Шойгу катэгарычна адмаўляў, што на тэрыторыі Крыму знаходзіліся расейскія вайскоўцы.

Крым стаў часткай Расеі ў сакавіку 2014 году, пасьля рэфэрэндуму 17 сакавіка, які памяняў статус аўтаномнай рэспублікі. Рэфэрэндум ня быў прызнаны большасьцю краінаў сьвету.

Ваша меркаваньне

Паказаць камэнтары

XS
SM
MD
LG