У Менску затрыманыя двое сябраў «Моладзі БНФ» Мікіта Краснакуцкі і Мікалай Логвінаў.
Як паведаміў Свабодзе старшыня арганізацыі Юрась Лукашэвіч, абодва затрыманыя знаходзяцца ў Першамайскім РУУС Менску. Прычына іх затрыманьня - раздача нацыянальнай сымболікі ў цэнтры гораду, тэлефоны хлопцаў адключаныя.
Дзяжурны Першамайскага РУУС сказаў Свабодзе, што такіх затрыманых у Першамайскім РУУС няма.
17:45 Актывісты «Моладзі БНФ» Мікалай Логвінаў і Мікіта Краснакуцкі аштрафаваныя на пяць базавых велічынь (115 руб) кожны ў Першамайскім судзе Менску.
10 сакавіка хлопцы раздавалі на тэрыторыі Менскага гарадзкога політэхнічнага каледжу стужкі зь беларускім нацыянальным арнамэнтам і запрашэньні на Дзень Волі.
Кіраўніцтва каледжу напісала заяву ў міліцыю.
14 сакавіка Мікалая і Мікіту міліцыя забрала проста з экзамэну.
Актывістам «Моладзі БНФ» інкрымінавалі «распаўсюд інфармацыі пра акцыю, якая яшчэ не дазволеная».