Прэм’ер-міністар Вялікабрытаніі Тэрэза Мэй плянуе афіцыйна запусьціць працэдуру выхаду краіны з Эўразьвязу 14 сакавіка.
На гэтым тыдні Мэй заявіла, што Лёндан і Эўразьвяз гатовыя да перамоваў наконт Брэкзіту, піша The Daily Telegraf. Выхад Вялікабрытаніі з ЭЗ першапачаткова плянавалася запусьціць да канца сакавіка. Аднак на ранейшым пачатку Брэкзіту настойвае кабінэт міністраў.
У чэрвені 2016 году жыхары Вялікабрытаніі выказаліся за выхад з Эўразьвязу. У сярэдзіне лютага Палата абшчын ухваліла законапраект, які дае права ўраду пачаць перамовы пра Брэкзіт. Дакумэнт перадалі ў Палату лордаў, якая яго таксама ўхваліла, але з папраўкамі.