Прэм’ер-міністар Вялікай Брытаніі Тэрэза Мэй заявіла, што Лёндан і Эўразьвяз гатовыя прыступіць да перамоваў па так званым «Брэкзіт» (Brexit). Выступаючы на прэс-канфэрэнцыі, яна сказала, што «надышоў час выйсьці з Эўразьвязу».
Паводле Тэрэзы Мэй, эўрапейскія партнэры далі выразна зразумець, што ўжо гатовыя пачаць перамовы аб «Брэкзіт», афіцыйны запуск якіх адбудзецца ў канцы сакавіка.
У чэрвені 2016 году жыхары Вялікай Брытаніі выказаліся за выхад з Эўразьвязу. У сярэдзіне лютага Палата абшчынаў ухваліла законапраект, які дае права ўраду пачаць перамовы аб «Брэкзіт». Дакумэнт быў перададзены ў Палату лордаў, якая яго таксама ўхваліла, аднак з папраўкамі. Чакаецца, што канчатковая вэрсія закона будзе прынятая да канца сакавіка.
