Лінкі ўнівэрсальнага доступу

Парлямэнт Казахстану зацьвердзіў канстытуцыйныя зьмены


Парлямэнт Казахстану канчаткова зацьвердзіў зьмены ў канстытуцыю краіны, якія прадугледжваюць згортваньне часткі прэзыдэнцкіх паўнамоцтваў і іх пераразьмеркаваньне паміж чыноўнікамі і заканадаўцамі.

Ухваленыя 6 сакавіка зьмены стануць законам, калі гэты дакумэнт падпіша прэзыдэнт Нурсултан Назарбаеў, зь ініцыятывы якога і пачаўся перагляд асобных палажэньняў канстытуцыі.

76-гадовы Назарбаеў зьяўляецца адзіным лідэрам камуністычнай эпохі, усё яшчэ трымае ўладу ў былой савецкай рэспубліцы.

Перадача некаторых паўнамоцтваў прэзыдэнта дазволіць палітычнай эліце Казахстану пераразьмеркаваньне паўнамоцтваў паміж рознымі фігурамі, не дазваляючы аднаму спадчыньніку сканцэнтраваць уладу ў сваіх руках.

Пасьля абвяшчэньня 26 студзеня плянаў канстытуцыйных зьмена Назарбаеў заявіў, што прэзыдэнт пасьля зацьвярджэньня гэтых прапановаў стане «вярхоўным арбітрам».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG