Лінкі ўнівэрсальнага доступу

Трамп кажа, што цалкам давярае генэральнаму пракурору


Джэф Сэшнс

Прэзыдэнт ЗША Дональд Трамп заявіў, што цалкам давярае генэральнаму пракурору і кіраўніку Міністэрства юстыцыі Джэфу Сэшнсу.

«Цалкам», — сказаў Трамп, адказваючы на пытаньне журналіста, ці давярае ён генэральнаму пракурору ў сьвятле апошніх падзей. Пры гэтым Трамп сказаў, што ня быў праінфармаваны пра кантакты гепракурора з расейскім паслом. «Я ня быў у курсе», — сказаў прэзыдэнт ЗША.

Сэшнс апынуўся ў цэнтры скандалу ў сувязі зь яго сустрэчамі з паслом Расеі у Вашынгтоне Сяргеем Кісьляком, пра якія ён не паведаміў Кангрэсу пры разглядзе сваёй кандыдатуры на міністэрскую пасаду.

Амэрыканскі прэзыдэнт таксама выказаў сумнеў у тым, што генпракурору варта ўзяць самаадвод ад удзелу ў расьсьледаваньні меркаваных сувязяў штаба Трампа з расейскімі афіцыйнымі асобамі. «Я так ня думаю», — сказаў Трамп.

Выданьне The Washington Post у сераду паведаміла пра сустрэчы Сэшнса, які тады быў сэнатарам, і Кісьляка. Адна з сустрэч адбылася ў кабінжце Сэшнса ў Сэнаце, а другая ў вашынгтонскім фондзе Heritage Foundation і была зусім кароткай.

XS
SM
MD
LG