Лінкі ўнівэрсальнага доступу

Фядута: «Зашмат скандалаў здарылася пры Цапкалу з удзелам кампутарных фірмаў»


Палітоляг Аляксандар Фядута

Адстаўку з пасады кіраўніка Парку высокіх тэхналёгіяў Валера Цапкалы камэнтуе палітоляг Аляксандар Фядута.

Аляксандар Фядута і Валер Цапкала — землякі, абодва гарадзенскія. У сярэдзіне 1990-х працавалі ў камандзе кандыдата ў прэзыдэнты Аляксандра Лукашэнкі.

Фядута згадвае, што менавіта Цапкалу Лукашэнка абавязаны першай сур’ёзнай піяр-кампаніяй у Расеі. І за гэта неўзабаве быў аддзячаны:

«Валер Цапкала скончыў Маскоўскі дзяржаўны інстытут міжнародных адносінаў, меў шырокае кола знаёмцаў. У 1994 годзе, дзякуючы сваім кантактам з фракцыяй ЛДПР, сярод прадстаўнікоў якой таксама было шмат выпускнікоў ягонай ВНУ, арганізаваў візыт Аляксандра Лукашэнкі ў Дзяржаўную Думу Расеі. Па заслугах і падзяка: першы намесьнік міністра замежных спраў, амбасадар Беларусі ў ЗША...»

Пасьля вяртаньня з дыпляматычнай працы ў Беларусь Цапкалу было прапанавана ўзначаліць аналяг амэрыканскай «Крэмніевай даліны» — Парк высокіх тэхналёгіяў. За кошт значных прэфэрэнцыяў беларускім уладам удалося прыцягнуць пэўную колькасьць беларускіх і замежных ІТ-кампаніяў, якія забясьпечылі працай мясцовых праграмістаў. Што пайшло ня так?

«Парк даваў высокую зааботную плату тым, хто працаваў пад ягоным дахам, дзяржава забясьпечвала толькі льготы. Шчыра кажучы, каб такія ўмовы, у якіх працуе ПВТ, стварыць усяму прыватнаму сэктару Беларусі, мы б хутка сталі краінай, якая штодня штампуе мільёны даляраў. Але ўлады палічылі, што выключэньні павінны быць зроблены толькі для асобных аб’ектаў. Гэта па-першае. Па-другое, зашмат скандалаў апошнім часам было з кампутарнымі фірмамі і кіраўнікамі кампаніяў».

Аляксандар Фядута думае, што звальненьне Цапкалы не зьяўляецца абавязковым сыгналам для магчымага крымінальнага перасьледу:

«Гэта не абавязкова. Шмат людзей, якія былі звольненыя, абышліся без усялякага крыміналу...»

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG