Лінкі ўнівэрсальнага доступу

Самалёты РФ небясьпечна наблізіліся да эсьмінца ЗША ў Чорным моры


Эсьмінец ВМС ЗША Porter праходзіць Басфор

Расейскія вайсковыя самалёты правялі небясьпечнае манэўраваньне паблізу эсьмінца ВМС ЗША ў Чорным моры на мінулым тыдні. Пра гэта 14 лютага паведамілі амэрыканскія вайскоўцы. Гэта былі першыя інцыдэнты такога роду пасьля прыходу да ўлады адміністрацыі Трампа.

Капітан Дэні Эрнандэс, прадстаўнік Эўрапейскага камандаваньня ЗША, паведаміў аб трох асобных інцыдэнтах 10 лютага з удзелам расейскіх самалётаў і эсьмінца USS Porter. У двух выпадках у манэўраваньні ўдзельнічалі расейскія Су-24 і ў трэцім Іл-38.

«Эсьмінец USS Porter зрабіў запыты паветраным судам, але не атрымаў ніякага адказу», — сказаў Эрнандэс. «Такія інцыдэнты выклікаюць занепакоенасьць у сувязі з тым, што могуць прывесьці да няшчаснага выпадку або праліку».

Прадстаўнік Міністэрства абароны Расеі генэрал-маёр Ігар Канашэнкаў паведаміў, што не было ніводнага выпадку аблёту расейскімі вайсковымі самалётамі ў Чорным моры эсьмінца Porter ваенна-марскога флёту ЗША.

Ваша меркаваньне

Паказаць камэнтары

XS
SM
MD
LG