Лінкі ўнівэрсальнага доступу

Лідзкае «Тваё радыё» абвінавацілі ў адсутнасьці беларускамоўнай музыкі


Лідзкі актывіст Валеры Мінец
Лідзкі актывіст Валеры Мінец

Старшыня Лідзкай раённай арганізацыі ТБМ Валеры Мінец заявіў, што, што ад пачатку трансьляцыі (з сакавіка мінулага году) лідзкае «Тваё радыё» амаль не трансьлюе беларускамоўнай музыкі, а этэр ледзь не на 100% складаецца з расейскага шансону і поп-шлягераў.

Кіраўніца лідзкай радыёстанцыі «Тваё радыё» Лідзія Пазьняк адпрэчыла прэтэнзіі да таго, што у этэры іх радыё амаль адсутнічае беларускамоўная музыка.

Мінец піша, што такое стаўленьне да беларускай музычнай культуры не спрыяе яе разьвіцьцю, ён выказвае абурэньне ў тым ліку і таму, што «Тваё радыё» уваходзіць у склад дзяржаўнага Лідзкага тэлерадыёабʼяднаньня.

Свабода папрасіла пракамэнтаваць сытуацыю рэдактара «Тваё радыё» Лідзію Пазьняк, на што тая коратка на расейскай мове адказала:

— Гэта няпраўда, у нас ёсьць беларуская музыка. А калі вы хочаце задаць нейкія пытаньні, то прыяжджайце да нас, мы з вамі пагаворым. А праз тэлефон я ня ведаю, з кім размаўляю.

У Беларусі квоты на 75% беларускай музыкі ў этэры дзейнічаюць больш за 10 гадоў. Яны збольшага выконваюцца. Але якаснай беларускай музыкі бракуе, скардзяцца кіраўнікі камэрцыйных FM-станцыяў.

Валер Мінец сказаў Свабодзе, што рыхтуе адмысловы падарунак у выглядзе некалькіх дыскаў сучасных беларускіх выканаўцаў, якія адпавядаюць фармату радыёстанцыі, з прапановай уключыць беларускую музыку ў плэй-ліст «Твайго радыё».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG