«Работы сарваныя. Рэжым спыненьня агню парушаны. Цывільнае насельніцтва працягвае пакутаваць. Спыніце страляць зараз жа!» — гаворыцца ў паведамленьні.
Аўдзееўка знаходзіцца на тэрыторыі, кантраляванай украінскімі ўладамі. Украінскія ваенныя паведамілі, што абстрэл правялі сэпаратысты пры падтрымцы расейскіх вайскоўцаў. Паводле дадзеных штабу апэрацыі супраць сэпаратыстаў на ўсходзе Украіны, за мінулыя суткі загінулі трое ўкраінскіх вайскоўцаў, яшчэ 7 — параненыя. Зафіксавана 115 абстрэлаў з боку сэпаратыстаў на Данецкам і Марыюпальскім напрамках, у тым ліку з цяжкай зброі.
