Лінкі ўнівэрсальнага доступу

«Жанчына з крана» выйшла са шпіталя і хоча працягваць змагацца


Галіна Ігнатовіч зьбіраецца працягваць дамагацца кампэнсацыі за знос свайго дому ў Менску.

Як паведаміў Свабодзе сын Галіны Ігнатовіч, ягоная маці выйшла са шпіталя і ўжо суткі дома.

«Маці забралі са шпіталя. Яна дома, стан здароўя нармальны, адчувае сябе добра. Цяпер яна паехала да адваката, бо мае намер працягнуць змагацца далей», — сказаў ён.

Паводле сваякоў, сям’я будзе дабівацца ад групы кампаніяў «Тапас» справядлівай кампэнсацыі за знос свайго дому плошчай 166 кв.м па вуліцы Ржавецкай, што ў менскім мікрараёне Лябяжы. Пасьля зносу кампанія-забудоўшчык зьбіраецца пабудаваць там жыльлёвы комплекс «Алімпік парк», а Ігнатовічам прапануе кампэнсацыю за высяленьне ў выглядзе трох двухпакаёвых кватэраў агульнай плошчай 225 кв.м у ЖК «Браслаўскі». Аднак Ігнатовічы справядлівай такую кампэнсацыю ня лічаць.

Увечары 30 студзеня пэнсіянэрка Галіна Ігнатовіч на знак пратэсту ўзьлезла на будаўнічы кран зь дзяржаўным сьцягам і пагражала саскочыць. На наступны дзень рашэньне суду аб прымусовым высяленьні сям’і павінна было ўступіць у сілу. Удзень 31 студзеня пяць ратаўнікоў угаварылі Галіну спусьціцца. Яе шпіталізавалі зь пераахаладжэньнем. Пракуратура пастанавіла адкласьці высяленьне да 6 лютага.

Тым часам у групе кампаніяў «Тапас» прапанаваную імі кампэнсацыю называюць годнай і заяўляюць, што Ігнатовічы «выкарыстоўваюць усе даступныя мэтады, каб узбагаціцца за кошт сытуацыі».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG