Лінкі ўнівэрсальнага доступу

«Тапас»: за знос дома Ігнатовічам прысуджана годная кампэнсацыя


Галіну Ігнатовіч, якая забралася на кран і патрабавала справядлівай кампэнсацыі за знос свайго дома ў Лябяжым, здымаюць ратавальнікі. Менск, 31 студзеня 2017 году

У кампаніі-забудоўніку «Тапас» пракамэнтавалі сытуацыю зь сёньняшнім пратэстам Галіны Ігнатовіч.

«Група кампаніяў „Тапас“ будзе выконваць рашэньне суду, якое прадугледжвае кампэнсацыю за знос дома сям’і Ігнатовічаў у выглядзе трох двухпакаёвых кватэр у Менску», — заявілі БелаПАН у «Тапасе».

Прадстаўнік кампаніі паведаміў, што яны ўжо 3 гады вядуць перамовы з Ігнатовічамі. Іхны дом плошчай 116 кв.м па вуліцы Ржавецкай у Менску павінны быць зьнесены ў сувязі з будаўніцтвам жыльлёвага кварталу «Алімпік Парк» на месцы прыватнай забудовы.

«У дасудовым парадку ім была прапанаваная кампэнсацыя ў выглядзе кватэраў у ЖК „Браслаўскі“ агульнай плошчай 225 кв.м, што значна перавышала патрабаваньні заканадаўства», — падкрэсьлілі ў кампаніі.

Аднак ад такой кампэнсацыі Ігнатовічы адмовіліся і павялічылі свае патрабаваньні. Пасьля гэтага кампанія зьвярнулася ў суд і на пачатку сьнежня 2016 году ён пастанавіў выселіць Ігнатовічаў у прапанаваныя «Тапасам» тры двухпакаёўкі. Паводле прадстаўніка кампаніі, Ігнатовічы «выкарыстоўваюць усе даступныя мэтады, каб узбагаціцца за кошт сытуацыі».

Нагадаем, Галіна Ігнатовіч у знак пратэсту супраць высяленьня ўвечары 30 студзеня забралася на будаўнічы кран у Лебядзіным і пагражала адтуль саскочыць. Каля 12 гадзінаў наступнага дня пяць ратаўнікоў угаварылі яе спусьціцца. Жанчына шпіталізаваная зь пераахаладжэньнем.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG