Лінкі ўнівэрсальнага доступу

«Заява „аб рэштках сувэрэнітэту“ карабаціць сваім паблажліва-зьняважлівым тонам»


Дзьмітры Мірончык

Начальнік упраўленьня інфармацыі — прэс-сакратар МЗС Беларусі Дзьмітры Мірончык пракамэнтаваў Свабодзе выказваньне міністра замежных спраў Літвы Лінаса Лінкявічуса на тэму беларускага сувэрэнітэту.

«Мы, вядома, хацелі б падтрымаць беларускі сувэрэнітэт... тое, што ад яго засталося», — сказаў Лінас Лінкявічус у інтэрвію «Нямецкай хвалі».

— Як бы вы пракамэнтавалі нядаўняе выказваньне міністра замежных спраў Літвы Лінаса Лінкявічуса на тэму беларускага сувэрэнітэту? Дакладней, як ён выказаўся, — таго, «што ад гэтага сувэрэнітэту засталося».

Наўпроставы лінк

«Так, мы зьвярнулі ўвагу на тое, што апошнім часам кіраўнік МЗС Літвы, дзяржавы, якую мы шчыра лічым дружалюбнай і зь якой у бягучым годзе мы зьбіраемся адзначаць 25-годзьдзе з дня ўсталяваньня дыпляматычных адносін, занадта перапоўнены эмоцыямі адносна нашай краіны. Проста сьвярбіць у яго, як у вядомым анэкдоце.

А цяперашняя яго заява пра «рэшткі сувэрэнітэту» асабліва карабаціць сваім паблажліва-зьняважлівым тонам. Ад гэтага тону вее нейкім адгалоскам імпэрскай моцы. Але вось парадокс: апошні раз Літва была імпэрыяй у першай палове 15 стагодзьдзя ў часы існаваньня нашага агульнага Вялікага Княства.

Верагодна, спадар міністар вельмі любіць гістарычную літаратуру і чэрпае зь яе натхненьне. Або тут, як кажуць, у каго што баліць. Спадар Лінкявічус экстрапалюе на Беларусь сытуацыю ў самой Літве, якая перадала ў ЭЗ і НАТО значную частку свайго сувэрэнітэту.

Усё ня так драматычна, як спрабуе прадставіць спадар міністар. Для нас важна, каб сувэрэнітэт Беларусі падтрымліваў народ нашай краіны. А калі хтосьці за мяжой насамрэч клапоціцца аб сувэрэнітэце Беларусі, то дапамагаць трэба справай. А не займацца абразамі альбо павучаньнем».

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG