Лінкі ўнівэрсальнага доступу

Ці вядзе Пуцін вайну? Спрэчка у інтэлектуальным клюбе Алексіевіч


Станіслаў Бялкоўскі, Сьвятлана Алексіевіч і Юры Дракахруст

Падчас другога паседжаньня інтэлектуальнага клюбу нобэлеўскай ляўрэаткі Сьвятланы Алексіевіч у Менску расейскі палітоляг Станіслаў Бялкоўскі даказваў, што тое, што чыніць Расея цяпер, — гэта чацьвёртая сусьветная вайна. А палітычны аглядальнік Юры Дракахруст спрачаўся, што «Пуцін — ня Гітлер і ня Сталін».

Тэма лекцыі расейскага палітоляга і публіцыста Станіслава Бялкоўскага — «Чацьвёртая сусьветная вайна. Апошні выхад для посткаляніяльнага сьвету». Менавіта вызначэньне «вайны» стала адной з галоўных тэмаў для спрэчак удзельнікаў дыскусіі.

Станіслаў Бялкоўскі ў сваёй лекцыі даводзіў, што на яго думку Расея цяпер вядзе «чацьвёртую сусьветную вайну»:

Я думаў, што ніхто ня зможа ўварвацца на тэрыторыю НАТО. Я памыляўся.

«Я думаў, што ніхто ня зможа ўварвацца на тэрыторыю НАТО. Я памыляўся. Цяпер вайна — гэта гібрыдная вайна. Калі Расейская Фэдэрацыя арганізавала кібэратакі на амэрыканскія сайты — гэта вайна. Таксама была спроба перавароту ў Чарнагорыі і замах на прэм’ер-міністра з боку Расеі. Мэта гэтых акцыяў з боку Расеі — паказаць, што такія акцыі можна зрабіць, што так бывае. З пункту гледжаньня сьвету гэта правалы. З пункту гледжаньня Пуціна гэта пасьпяховыя спробы, якія можна паўтарыць, калі будзе неабходна. Таму чацьвёртая сусьветная вайна ўжо ідзе — гэта вайна амбіцыяў і вайна псыхалёгіяў. Новы сьвет скаланаецца канвульсіямі старога сьвету. Вайна ўжо ідзе. І яна не патрабуе масавага забіцьця людзей».

Станіслаў Бялкоўскі
Станіслаў Бялкоўскі

На гэта вядоўца дыскусіі Юры Дракахруст сказаў, што так трактаваць вайну — гэта занадта шырока. На думку Дракахруста, нельга ставіць знак роўнасьці паміж «халоднай вайной» з аднаго боку і дзьвюма сусьветнымі войнамі ХХ стагодзьдзя, падчас якіх была агромністая колькасьць чалавечых ахвяраў.

Юры Дракахруст
Юры Дракахруст

«Расейскія „зялёныя чалавечкі“ ў Беларусь ня прыйдуць»

На пытаньне з залі, ці плянуе Крэмль акупаваць Беларусь, Станіслаў Бялкоўскі адказаў, што такога пляну ў Пуціна няма:

«Я не вялікі спэцыяліст па Беларусі, але магу сказаць, што асноўная слабасьць Беларусі ў варунках гібрыднай вайны — гэта тое, што ўлада сканцэнтраваная ў руках аднаго чалавека. Слабасьць Беларусі — у яе лідэры. Таму што калі будзе гібрыдная вайна, дык калі зь ім нешта здарыцца, то яго ніхто ня зможа замяніць.

Беларусь відавочна імкнецца выходзіць з расейскай арбіты і будаваць сваю нацыянальную дзяржаву.

Калі казаць пра Беларусь, дык відавочна, што ваша краіна імкнецца выходзіць з расейскай арбіты і будаваць сваю нацыянальную дзяржаву. Калі адказваць, ці прыйдуць сюды зялёныя чалавечкі, то не. Таму што гэта б парушыла Эўразійскі эканамічны саюз, які ёсьць сьвяшчэнным для Пуціна. Разам з тым Пуцін ня любіць Лукашэнку, і гэта ўзаемна. Але я перакананы, што і Беларусь, і Ўкраіна змогуць рэалізавацца, толькі патлумачыўшы, чым яны адрозьніваюцца ад імпэрыі, ад якой яны адваліліся».

Падрабязны рэпартаж з другога паседжаньня інтэлектуальнага клюбу — пазьней на нашым сайце.

Сьвятлана Алексіевіч
Сьвятлана Алексіевіч

Дэпутатка Палаты прадстаўнікоў, намесьніца старшыні Таварыства беларускай мовы Алена Анісім
Дэпутатка Палаты прадстаўнікоў, намесьніца старшыні Таварыства беларускай мовы Алена Анісім

Гісторык Валянцін Голубеў
Гісторык Валянцін Голубеў

У цэнтры — адна з арганізатарак імпрэзы, культуроляг Юлія Чарняўская
У цэнтры — адна з арганізатарак імпрэзы, культуроляг Юлія Чарняўская

Глядзець камэнтары (24)

Гэтая дыскусія закрытая.
XS
SM
MD
LG