Лінкі ўнівэрсальнага доступу

Украіна пачынае радыёвяшчаньне на анэксаваны Крым


Вежа ў Чонгары.

Пра гэта 25 студзеня паведаміў член Нацыянальнай рады ў пытаньнях тэлебачаньня і радыёвяшчаньня Ўкраіны Сяргей Кастынскі.

«Радыётрансьляцыйная станцыя ў вёсцы Чонгар Херсонскай вобласьці вышынёй 150 мэтраў пабудавана. Зараз адбываецца мантаж абсталяваньня. Ад пачатку лютага сыгнал украінскіх радыёстанцый пачне пастаўляцца ў Крым. Гаворка ідзе пра Першы канал Украінскага радыё, Meydan, Радыё Крым. Рэаліі, Херсон FM. Наступны этап — арганізацыя лічбавага тэлебачаньня», — гаворыцца ў паведамленьні Кастынскага ў Facebook.

Паводле словаў Кастынскага, будаўніцтва вежы заняло каля двух месяцаў. Каля дзевяці месяцаў занялі працы ў справе праліку і міжнароднай каардынацыі радыёчастот, адвод зямельнага ўчастка, правядзеньне конкурсу на радыёчастоты.

Сяргей Кастынскі нагадаў, што разьвіцьцё прамовы ў зоне баявых дзеяньняў на ўсходзе Ўкраіны і на тэрыторыю анэксаванага Крыму праходзіць у рамках працы Камісіі ў пытаньнях забесьпячэньня стабільнага функцыянаваньня сыстэмы нацыянальнага тэлебачаньня і радыёвяшчаньня пры Міністэрстве інфармацыйнай палітыкі Ўкраіны.

2 сьнежня 2016 году ў вёсцы Чонгар заклалі першы блёк телерадыёвяшчаньня, якая забясьпечыць вяшчаньне на тэрыторыю Херсонскай вобласьці і анэксаванага Расеяй Крыму. Дзякуючы ёй чатыры ўкраінскія радыёстанцыі пачнуць кругласутачнае вяшчаньне ў Херсонскай вобласьці і Крыме. Вяшчаньне ў FM-дыяпазоне ахопіць Джанкойскі і Красноперекопскі раёны, часткова — Сімфэропальскі раён.

Нацыянальная рада ў пытаньнях тэлебачаньня і радыёвяшчаньня 27 сьнежня 2016 году выдала ліцэнзіі чатыром радыёстанцыям, якія змогуць вяшчаць на Крым. Імі сталі ўкраінскае радыё (грамадзкае вяшчаньне), мясцовая Херсонская радыёстанцыя, крымскататарскае радыё «Meydan», «Радыё крымскіх грамадаў».

Партнэры Радыё Крым. Реаліі — грамадзкая арганізацыя «Радыё крымскіх грамадаў» атрымалі ліцэнзію для радыёвяшчаньня ў FM-дыяпазоне на частаце 105.9 на тэрыторыю Крыму.

XS
SM
MD
LG