«НАТО — гэта рэальнасьць, гэта вайсковы фактар, і таму аднымі замовамі тут не абыдзесься», — цытуе дыплямата Інтэрфакс. — «З НАТО трэба выбудоўваць нармальныя адносіны і аднавіць тое, што было».
Адказваючы на пытаньне аб тым, ці па-ранейшаму ў Маскве лічаць НАТО рэліктам і анахранізмам халоднай вайны, Келін сказаў:
«Які анахранізм? Шмат якім краінам уваходзіць у НАТО проста выгадна, выгадна эканамічна, палітычна, таму што ня трэба будаваць самастойную зьнешнюю палітыку, дастаткова далучыцца да агульнай».
«Вядома ж, таньней удзельнічаць у такім вайсковым саюзе, чым самастойна будаваць абарону па ўсім азімуце... Немагчыма пераканаць краіны-удзельніцы ў тым, што з НАТО трэба выходзіць, што гэта анахранізм, таму што чыста рацыянальныя доказы пераважаюць» — падкрэсьліў Келін.
Заявы Келіна прагучалі прымірэнчым тонам на тле моцнага пагаршэньня адносінаў паміж Расеяй і Паўночнаатлянтычным альянсам, якое наступіла пасьля расейскай анэксіі Крыму.
Пра гэта інфармуе агенцтва "Интерфакс".