У польскім горадзе Баня сотні людзей прыйшлі разьвітацца з Лукашам Урбанам — кіроўцам грузавіка, забітым у выніку тэракту ў Бэрліне 19 сьнежня.
На пахаваньні прысутнічаў прэзыдэнт Польшчы Анджэй Дуда.
Апоўдні па ўсёй Польшчы прагучалі разьвітальныя гудкі кляксонаў грузавікоў.
Цела 37-гадовага Урбана было знойдзена 19 сьнежня ў кабіне грузавіка, які меркаваны тэрарыст — тунісец Аніс Амры — накіраваў на натоўп на калядным кірмашы ў цэнтры Бэрліну, задавіўшы да сьмерці 11 чалавек. Мяркуюць, што польскі дальнабойнік супраціўляўся да апошняга і быў забіты стрэлам у галаву проста перад тэрактам.
Урад Польшчы заявіў, што аплаціць пахаваньне. Брытанскі дальнабойнік Дэйв Дункан перавёў ўдаве і 17-гадоваму сыну Урбана больш за 200 тысяч эўра.
