Лінкі ўнівэрсальнага доступу

Рыгору Грыку паўторна прысудзілі 1050 рублёў штрафу за перадвыбарчы пікет


Пікет з удзелам Рыгора Грыка (у робе) 8 верасьня ў Баранавічах

Баранавіцкі суд прызнаў актывіста Рыгора Грыка вінаватым у правядзеньні несанкцыянаванай масавай акцыі і прысудзіў яму 50 базавых штрафу (1050 рублёў). Грык віны не прызнае́, кажа што ягоны пікет быў перадвыбарчым.

21 сьнежня Берасьцейскі абласны суд адмяніў рашэньне Баранавіцкага суду аб штрафе Рыгору Грыку і накіраваў ягоную справу на паўторны разгляд у той самы суд ніжэйшай інстанцыі.

30 сьнежня Баранавіцкі суд ізноў прыняў рашэньне пакараць штрафам актывіста на тую ж суму, што і першы раз — 1050 рублёў.

Актывіст кажа, што нязгодны з прысудам, бо пікет, за які яго пакаралі, ладзіўся паводле выбарчага заканадаўства ў часе выбараў у Палату прадстаўнікоў:

«На той момант, калі я праводзіў пікет, пакараць мяне магла выбарчая камісія ў Баранавічах. Але прайшло ўжо гэтулькі часу пасьля выбараў, і цяпер проста выконваюць загад пакараць мяне. Гэта парушэньне Канстытуцыі Беларусі і выбарчага заканадаўства», — кажа Рыгор Грык.

Акцыя, за якую пакаралі актывіста, адбылася 8 верасьня ў цэнтры Баранавічаў. Рыгор Грык, будучы даверанай асобай кандыдата ў дэпутаты Палаты прадстаўнікоў Міколы Чарнавуса, зладзіў пікет. Аднак пасьля выбараў на актывіста склалі пратакол за несанкцыянаваную масавую акцыю.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG