Аляксандар Лукашэнка павіншаваў прэзыдэнта Ўкраіны Пятра Парашэнку з 25-годзьдзем завязваньня дыпляматычных дачыненьняў паміж дзьвюма краінамі. Пра гэта БелТА паведамілі ў прэс-службе Лукашэнкі.
«За пэрыяд незалежнасьці нашым дзяржавам удалося выстраіць трывалую і усеабдымную сыстэму двухбаковага супрацоўніцтва, заснаваную на адкрытасьці, даверы і раўнапраўным узаемадзеяньні», — гаворыцца ў віншаваньні.
Паведамляецца таксама, што Аляксандар Лукашэнка заявіў пра тое, што і ў далейшым «брацкія беларуска-ўкраінскія сувязі будуць мацнець і разьвівацца на карысьць народаў абедзьвюх краін».
Былы пасол Украіны ў Беларусі Налівайчанка: разбурыць стасункі проста, а наладжваць давядзецца дзесяцігодзьдзямі