Лінкі ўнівэрсальнага доступу

Улады Турэччыны арыштавалі амаль 1700 прыхільнікаў Гюлена


Супрацоўнікі турэцкіх службаў бясьпекі

У Турэччыне за апошні тыдзень арыштавалі амаль 1700 чалавек паводле абвінавачваньняў у сувязях з апазыцыйным прапаведнікам Фэтхулахам Гюленам, якога ўлады краіны абвінавачваюць у падрыхтоўцы дзяржаўнага перавароту. Сярод іх каля 1100 чалавек чакаюць сьледзтва, астатнія пакуль часова затрыманыя, паведамілі ў турэцкім Міністэрстве ўнутраных справаў.

На мінулым тыдні на адкрыцьці фотавыставы ў Анкары быў забіты амбасадар Расеі ў Турэччыне Андрэй Карлаў. Нападнікам быў былы паліцыянт Мэўлют Алтынташ, звольнены летам гэтага года ў рамках расьсьледаваньня спробы ўзброенага перавароту ў Турэччыне. Прэзыдэнт Рэджэп Эрдаган заявіў, што за забойствам стаіць арганізацыя, якую ўзначальвае Гюлен. Сам апазыцыянэр гэтыя словы абверг.

Спроба ваеннага перавароту адбылася ў Турэччыне ў ноч на 16 ліпеня. У рамках расьсьледаваньня Анкара затрымала дзесяткі тысяч грамадзян. На думку Анкары, путч арганізаваў Гюлен, які жыве ў ЗША. Турэччына неаднаразова заклікала Вашынгтон выдаць прапаведніка. Сам Гюлен паабяцаў вярнуцца на радзіму, калі яго віна будзе даказаная незалежным судом.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG