Лінкі ўнівэрсальнага доступу

У Маскве памёр ўнук Сталіна


У Маскве памёр ўнук Іосіфа Сталіна Яўгеній Джугашвілі, паведамляе расейскае агенцтва «Новости» са спасылкай на даведачную службу «хуткай дапамогі».

Джугашвілі было 80 гадоў.

Яўгений Джугашвілі нарадзіўся ў 1936 годзе ў сям’і сына Сталіна, Якава Джугашвілі, які загінуў ў 1943 годзе ў нямецкім канцлягеры,.

Джугашвілі працаваў у Цэнтральным упраўленьні касьмічных сродкаў Мінабароны СССР, Ваеннай акадэміі імя Фрунзэ, Ваеннай акадэміі Генэральнага штабу Ўзброеных сілаў СССР і ў Ваеннай акадэміі бранетанкавых войскаў. Ён быў палкоўнікам вайскова-паветраных сілаў.

***

Сталін быў вядомы як жорсткі аўтарытарны кіраўнік. За час яго кіраваньня СССР каля 5 млн чалавек былі асуджаныя з палітычных матываў і расстраляныя ці скіраваныя ў ГУЛАГ, ня менш за 6,5 млн чалавек былі дэпартаваныя, 6–7 млн чалавек загінулі ад голаду.

Апошнім часам у Расеі адкрылі некалькі помнікаў Сталіну. У Беларусі таксама ёсьць помнік, які знаходзіцца на тэрыторыі комплексу «Лінія Сталіна»

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG