У гэтым годзе рабіна ў нашым двары чырвоная, як ніколі. Часам, калі бачу яе, узгадваю рабіну, што расьце на ўзьмежку нашых сотак у вёсцы, а іншым разам Васіля Шукшына і ягоную «Рабіну чырвоную». І мне ня сумна ад гэтых успамінаў. І я люблю рабіну, якая расьце ў нашым двары. Праўда, я ніколі не спыняўся каля яе і не кранаўся ствала. Я люблю яе на адлегласьці, бо ў мяне ёсьць рабіна, якая расьце на ўзьмежку нашых сотак у вёсцы...
Віктар Шніп
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
