Лінкі ўнівэрсальнага доступу

Кіеў патрабуе ад расейскіх кампаній мільёны даляраў за рэйсы ў Крым


Ілюстрацыйнае фота.

Дзяржаўная авіяцыйная служба Ўкраіны пастанавіла спагнаць з расейскіх авіякампаній амаль 30 мільёнаў даляраў за рэйсы ў анэксаваны Крым. Пра гэта паведамляе ўкраінскае агенцтва УНІАН.

Паводле інфармацыі УНІАН, усяго з вясны 2014 года вынесена ўжо звыш пяці тысяч пастаноў аб спагнаньні штрафаў, аднак ніводны з расейскіх авіяперавозчыкаў да гэтага часу нічога не выплаціў.

Пасьля анэксіі Крыму Ўкраіна закрыла паветраную прастору над паўвыспай, прызнаўшы яго «часова акупаванай тэрыторыяй». Нягледзячы на гэта, расейскія авіякампаніі працягнулі выконваць рэйсы.

У сярэдзіне кастрычніка Кіеў увёў санкцыі супраць расейскіх кампаній, у сьпіс у тым ліку трапіў «Аэрафлот». У чацьвер авіяперавозчык заявіў аб запуску штодзённых рэйсаў Сочы — Сімфэропаль у 2017 годзе.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG