Парашэнка, Мэркель і Алянд дамовіліся 19 кастрычніка правесьці ў Бэрліне сустрэчу ў «нармандзкім фармаце», паведамляе УНІАН.
Пра гэта паведамілі ў прэс-службе прэзыдэнта Ўкраіны. Парашэнка, знаходзячыся з афіцыйным візытам у Нарвэгіі, правёў тэлефонную размову ў трохбаковым фармаце з удзелам прэзыдэнта Францыі Франсуа Алянда і канцлера Нямеччыны Ангелы Мэркель.
Адзначаецца, што суразмоўцы абмеркавалі сытуацыю зь бясьпекай на Данбасе.
«Суразмоўцы дамовіліся правесьці 19 кастрычніка ў Бэрліне сустрэчу кіраўнікоў дзяржаваў у» нармандзкім фармаце «каб падахвоціць Расею выканаць частку менскіх дамоўленасьцяў, што датычыць бясьпекі», — гаворыцца ў паведамленьні.
Удзел Пуціна ў «нармандзкай» сустрэчы ў сераду пацьвердзіў прадстаўнік нямецкага ўраду Штэфэн Зайбэрт, паведамляе Die Welt.
Раней прэс-сакратар Пуціна Дзьмітры Пяскоў заявіў, што сустрэча кіраўнікоў дзяржаваў «нармандзкай чацьвёркі» 19 кастрычніка ў Бэрліне наўрад ці адбудзецца.
