Мы паўтараем перадачы з архіву Свабоды. У «Начной чытанцы» — 100 сучасных аўтараў чыталі свае творы на Свабодзе. Сёньня заканчэньне апавяданьня Наталкі Бабінай «Футра для мымры». У сераду мы слухалі пачатак гісторыі, як настаўніца з Маладэчна, маці траіх дзяцей, падзарабляючы на жыццё, навучылася выдатна шыць футры. Адно дарагое футра яна пашыла на заказ жонцы маскоўскага бізнэсмэна. Але той падмануў з аплатай. Настаўніца з выпадковым спадарожнікам Фабіянам накіроўваецца ў Маскву спаганяць грошы.