Лінкі ўнівэрсальнага доступу

У Маскве затрымалі кіраўніка Ўсерасейскага аб’яднаньня заўзятараў Шпрыгіна


Аляксандр Шпрыгін на прэс-канфэрэнцыі ў Маскве 23 чэрвеня 2016 году.
Аляксандр Шпрыгін на прэс-канфэрэнцыі ў Маскве 23 чэрвеня 2016 году.

Кіраўніка Ўсерасейскага аб’яднаньня заўзятараў Аляксандра Шпрыгіна затрымалі 24 верасьня ў Маскве.

Яго схапілі байцы АМАПу падчас канфэрэнцыі Расейскага футбольнага саюзу (РФС), які выключыў арганізацыю Шпрыгіна са свайго складу.

Некаторыя крыніцы паведамляюць, што Шпрыгіна абвінавачваюць у экстрэмізме. У мікраблогу аб’яднаніня заўзятараў у «Твітэры» напісана, што ў яго офісе адбываецца ператрус.

Яшчэ ў ліпені прэзыдэнт РФС і міністар спорту Віталь Мутко заявіў, што Ўсерасійскае аб’яднаньне заўзятараў выключаць з саюзу, бо Шпрыгін сваім удзелам у нападах на замежных фанатаў і ў беспарадках падчас футбольнага чэмпіянату Эўропы ў Францыі сур’ёзна нашкодзіў рэпутацыі расейскага футболу.

Аляксандар Шпрыгін быў лідэрам фанацкага руху клюбу «Дынама» (Масква). У 1998 годзе ён далучыўся да Лібэральна-дэмкратычнай партыі Расеі (ЛДПР), зрабіўшыся дарадцам лідэра партыі Ўладзіміра Жырыноўскага па спорце. У 2003 годзе Шпрыгін трапіў у сьледчы ізалятар «Матросская Тишина» за бойку на кватэры Сяргея Троіцкага — лідэра гурту «Коррозия металла». Ён правеў каля году ў СІЗА, і быў вызвалены, бо пракуратура ня здолела даказаць абвінавачаньне. Канчаткова справу зачынілі ў 2008 годзе калі Шпрыгін ўжо ўзначальваў Усерасейскае аб’яднаньне заўзятараў.

Шпрыгін разам з тагачасным прэм'ер-міністрам Расеі Ўладзімірам Пуціным ускладае кветкі на магілу забітага заўзятара клюбу "Спартак" (Масква) Ягора Сьвірыдава. 21 сьнежня 2010 году
Шпрыгін разам з тагачасным прэм'ер-міністрам Расеі Ўладзімірам Пуціным ускладае кветкі на магілу забітага заўзятара клюбу "Спартак" (Масква) Ягора Сьвірыдава. 21 сьнежня 2010 году

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG