Лідэр крымска-татарскага народу Мустафа Джамілеў намінаваны на праваабарончую прэмію імя Сахарава.
Ляўрэата вызначыць галасаваньне ў Эўрапарлямэнце 27 кастрычніка.
Мустафа Джамілеў — дэпутат Вярхоўнай Рады Ўкраіны, былы кіраўнік Мэджлісу крымска-татарскага народу, які выступіў супраць акупацыі і анэксіі Крыму Расеяй. Пасьля гэтага яму закрылі ўезд на паўвостраў, а ў красавіку была забароненая і дзейнасьць Мэджлісу.
Прэмія Сахарава была заснаваная Эўрапарлямэнтам у 1988 годзе і ўручаецца за выбітны ўнёсак у абарону правоў чалавека і асноўных свабодаў. У грашовым вымярэньні яна складае 50 тысяч эўра.
