Лінкі ўнівэрсальнага доступу

У Кіргізстане прызналі рэпрэсіі царскай Расеі супраць кіргізаў генацыдам


Грамадзкая камісія ў Кіргізстане прыйшла да высновы, што масавае падаўленьне паўстаньня кіргізаў у 1916 годзе царскай Расеяй зьяўлялася генацыдам.

Як паведаміў кіраўнік камісіі Азімбэк Бэкназараў, высновы былі зробленыя на падставе архіўных дадзеных, перададзеных расейскімі і кітайскімі ўладамі.

У пэрыяд Першай сусьветнай вайны праводзілася кампанія гвалтоўнага прыцягненьня мясцовага насельніцтва да будаўніцтва ваенных умацаваньняў і рыцьця траншэяў. Многія этнічныя казахі і кіргізы працівіліся прызыву. Мяркуецца, што карнымі батальёнамі былі забітыя ад 100 да 270 тысяч кіргізаў, сотні тысяч уцяклі ад рэпрэсіяў у Сіньцьзян-Уйгурскі аўтаномны раён Кітаю.

Падзеі на тэрыторыі сучаснага Кіргізстану ў 1916 годзе не былі згаданыя ў савецкіх падручніках па гісторыі. Паўстаньне ў Казахстане апісвалася як мяцеж супраць баяў і царскай Расеі, які спрыяў посьпеху сацыялістычнай рэвалюцыі 1917 году. У красавіку старшыня Дзяржаўнай Думы Расеі Сяргей Нарышкін адхіліў размовы пра генацыд, заявіўшы, што «сто гадоў таму пацярпелі ўсе народы».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG