У Маскве падчас антываеннага пікета руху «Салідарнасьць» невядомыя людзі ўчынілі бойку з удзельнікамі акцыі і паліцыянтамі. Пра гэта паведамляюць у сацыяльных сетках расейскія актывісты.
Прадстаўніца руху «Салідарнасьць» Ала Наумчава сказала у інтэрвію расейскаму тэлеканалу «Дождж», што нападнікі былі з «Нацыянальна-вызвольнага руху» і з руху SERB.
Паводле Наумчавай, трое чальцоў руху SERB напалі на супрацоўнікаў паліцыі, пасьля чаго былі затрыманыя. Адным з затрыманых, як паведамляе тэлеканал, быў кіраўнік руху Ігар Бекетаў, вядомы ў сацыяльных сетках як Гоша Тарасевіч.
