Кіеў зьвернецца ў Раду Бясьпекі ААН пасьля паведамленьняў ФСБ Расеі аб затрыманьні ўкраінскіх дывэрсантаў, якія нібыта рыхтавалі тэракты ў Крыме. Пра гэта паведаміў пастаянны прадстаўнік Украіны пры ААН Уладзімер Ельчанка.
Паводле слоў дыплямата, гэтае пытаньне зараз разглядаецца, і дадаў, што ў Кіеве гатовыя да скліканьня Раду Бясьпекі ААН «нават сярод ночы». Украінскі дыплямат плянуе праінфармаваць аб сытуацыі генэральнага сакратара ААН Пан Гі Муна, паведамляе сайт ААН.
У сваім акаўнце ў Твітэры Ельчанка правёў аналёгіі з падзеямі ў Грузіі і адзначыў, што аб цяперашняй сытуацыі з Крымам яму казалі яшчэ ў 1993 годзе.