Лінкі ўнівэрсальнага доступу

«Лента.ру» крыткуе сюжэты беларускіх тэлеканалаў пра расейскіх нэанацыстаў


Адно з папулярных расейскіх інтэрнэт-выданьняў «Лента.ру» апублікавала артыкул «Запахла пагрозай», падставай для якога стаў нядаўні сюжэт тэлеканала АНТ, прысьвечаны тэме дзейнасьці расейскіх нэанацысцкіх арганізацый у Беларусі.

У артыкуле выданьне спрабуе даць адказ на пытаньне, чаму ў Беларусі «раскручваюць тэму нэанацызму з Расеі».

«Сюжэт АНТ пра расейскіх нэанацыстаў у Беларусі і той небясьпекі, якую яны прадстаўляюць для беларускага грамадзтва, мог бы прайсьці незаўважаным, калі б ён тычыўся толькі "Рускага нацыянальнага адзінства«(РНЕ) у Беларусі і некаторых спэцыфічных асоб з відавочнымі псыхічнымі адхіленьнямі. Аднак на фоне кадраў, дзе моладзь з крыкам «Слава Расеі!» ускідвае ў нацысцкім вітаньні рукі, у сюжэце была пазначаная сур’ёзная заклапочанасьць дзейнасьцю ў Беларусі ваенна-патрыятычных лягераў (ВПЛ), якія карыстаюцца падтрымкай расейскіх арганізацый, казацтва і нават праваслаўнай царквы», — піша «Лента.ру».

Далей у артыкуле выданьне адзначае, што цяперашні рэпартаж — далёка ня першы выпадак, калі беларускія дзяржаўныя СМІ нэгатыўна выказваюцца пра прарасейскія арганізацыі. Дзяржаныя СМІ, паводле расейскага выданьня, «сталі чэрпаць інфармацыю з сацсетак і аналітыкі апазыцыйных і русафобскіх арганізацый».

«Лента.ру» згадвае і гісторыю з адпраўкай беларускіх дзяцей у ваенна-патрыятычныя лягеры, дзе інструктарамі працавалі расейскія нэанацысты.

«Гэта ўжо прывяло да таго, што дадзенай праблемай заняліся праваахоўныя ворганы рэспублікі: распачата праверка праваслаўных патрыятычных клюбаў у Віцебскай вобласьці, якія адпраўляюць сваіх выхаванцаў на зборы ў Расею. А мясцовыя радыкальныя групоўкі, хоць і знаходзяцца пад пэўным кантролем КДБ і МУС, працягваюць сваю дзейнасьць цалкам бесьперашкодна», — сьцьвярджае выданьне.

Такую лінію паводзінаў дзяржаўных СМІ ў Беларусі «Лента.ру» тлумачыць з аднаго боку «гістэрыяй з нагоды магчымай расейскай агрэсіі», а з другога боку — наладжваньнем адносін з Эўразьвязам. Акрамя таго, лічыць выданьне, беларускія ўлады такім чынам хочуць адцягнуць беларусаў ад эканамічных праблем.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG