Маладафронтаўцы супраць нападнікаў: «Хто там кідаўся на людзей за «Пагоню»?

16 ліпеня прадпрымальнікі з рынку «Экспабел» напалі на шасьцёх валянтэраў, якія прыбіралі ў Курапатах і прыйшлі на рынак, каб затачыць ланцуг ад бэнзапілы. Прычынай агрэсіі сталі шэўроны з «Пагоняй» і бел-чырвона-белым сьцягам. «Вы думаеце, што гэта вам так пройдзе і вы будзеце тут спакойна працаваць?» - запытваўся Зьміцер Дашкевіч у аднаго з арганізатараў суботняй бойкі.