ПАДЗЕІ ДНЯ
Варшава. Завяршэньне саміту НАТО. Паводле афіцыйных прадстаўнікоў альянсу, наступствы рашэньняў, прынятых 8-9 ліпеня ў польскай сталіцы, будуць адчувацца на працягу будучых дзесяцігодзьдзяў.
Менск. «Клясыка каля ратушы з Velcom». 3D-канцэрт і вечар сімфанічных шэдэўраў. Удзел бяруць Ансамбль салістаў «Партыта» і дзяржаўны акадэмічны сымфанічны аркестар пад кіраўніцтвам Аляксандра Анісімава. Месца правядзеньня — пл. Волі. Пачатак а 20:00
Менск. Футбольны матч памяці нашага калегі, журналіста і мовазнаўца Юрася Бушлякова. Месца правядзеньня — Стадыён школы № 13 (вул Цікоцкага, 57). Пачатак а 19:00
Менск. Фэстываль сучаснай электроннай музыкі. Месца правядзеньня — Музей Азгура (вул. Азгура, 8) Пачатак а 18.30
Менск. Танцавальная майстар-кляса для пачаткоўцаў пад адкрытым небам. Месца правядзеньня — Дворык дома-музэя Ваньковіча (вул. Інтэрнацыянальная, 33А.) Пачатак а 17:45.
Менскі р-н, вёска Ўраджайная. Фэстываль пад адкрытым небам Rock-rave. Месца правядзеньня — Камарова-village. Пачатак а 17.00
Менская вобл., Вязынка. Купальле свята. У праграме: майстар-клясы, гульні, танцы. Пройдзе «Кветкавы этна-фэст» з элемэнтамі абраду спуску вянка на ваду. Вянок 4, 5 мэтра ў дыямэтры.
Гомельская вобл., Калінкавіцкі р-н. Восьмы Ўсебеларускі фэстываль народнага гумару «Аўцюкі-2016».
У ГІСТОРЫІ:
1357 — у Празе закладзены Карлаў мост.
1807 — заключаная Тыльзыцкая мірная дамова паміж Францыяй, Прусіяй і Расеяй. Беласток і навакольныя тэрыторыі, населеныя пераважна беларусамі, увайшлі ў склад Расеі.
1906 — У вёсцы Мікалаеўшчына адбыўся нелегальны настаўніцкі зьезд, разагнаны паліцыяй. За ўдзел у ім звольнілі 13 настаўнікаў, сярод іх К. Міцкевіча (Якуба Коласа), А. Сянкевіча, І. Фёдарава (Янку Маўра).
1920 — Польскія войскі пакінулі Шацілкі (цяпер горад Сьветлагорск).
1997 — Украіна падпісала дагавор аб супрацоўніцтве з НАТО.
2002 — Замкавы комплекс «Мір» атрымаў пасьведчаньне ЮНЭСКА пра ўключэньне ў Сьпіс сусьветнай культурнай і прыроднай спадчыны.
У гэты дзень нарадзіліся:
1834 — Ян Нэруда, чэскі пісьменьнік.
1933 — Элем Клімаў, савецкі кінарэжысэр. У 1985 зьняў фільм «Ідзі і глядзі» паводле сцэнару Алеся Адамовіча. Здымкі адбываліся ў Бярэзінскім запаведніку на тэрыторыі Віцебскай вобласьці. Паводле вэрсіі часопісу «Time Out», фільм зьяўляецца найлепшай кінастужкай пра Другую ўсясьветную вайну.
1950 — У гарняцкім мястэчку Янакіева нарадзіўся чацьвёрты прэзыдэнт Украіны Віктар Януковіч, род якога паходзіць зь Беларусі.
У гэты дзень памерлі:
1441 — Ян ван Эйк, нэдэрляндзкі мастак
1677 — Ангелюс Сылезіюс, нямецкі паэт-містык
1947 — Люцыян Жалігоўскі, польскі вайсковы і палітычны дзяяч, генэрал
2005 — Робэрт Шэклі, амэрыканскі пісьменьнік-фантаст
ЦЫТАТА:
Сьцелюцца валокны,
Тчэцца павуціна —
Блізка, блізка восень,
Смутная часіна!
Зажурыцца неба,
Схованае ў хмары,
і агорнуць сэрца
Нейкі жаль і мары.
Замірае лета,
Заціхаюць далі,
Сірацее рэчка,
Халадзеюць хвалі...
Якуб Колас, «Адлёт жураўлёў»
