Група з 13 радыкальных ісламістаў, якія падазраюцца ў перапраўцы сродкаў баевікам у Сырыю, затрыманая падчас спэцапэрацыі ў Валагодзкай вобласьці, паведамляюць сёньня «Вести» з спасылкай на кіраўніцтва мясцовага ФСБ.
Як заявілі апэратыўнікі, падазраваныя дзейнічалі пад выглядам лесарубаў, адпраўляючы ў Сырыю грошы, атрыманыя ад продажу драўніны.
У ходзе спэцапэрацыі праваахоўнікі канфіскавалі некалькі гранат, падобны да «пояса сьмяротніка» прадмет, пісталет-кулямёт і больш за кіляграм выбухоўкі.
Аднаго з затрыманых правяраюць на дачыненьне да ўчыненьня тэрактаў на Паўночным Каўказе ў 2010 годзе.
