«Думаць ня трэба, стойце, дзе вам сказалі», — камэнданцкая гадзіна і блёкпасты ў Бераставіцы

Вуліцы патрулююць вайскоўцы, увечары забаронена шпацыраваць без дакумэнтаў, а на ўезьдзе ў райцэнтар стаяць блёкпасты, на якіх пільна даглядаюць кожнае аўто. Гэта — не панарама «гарачай кропкі», гэта — Беларусь у мірны час. Карэспандэнт Радыё Свабода наведала мястэчка Вялікая Бераставіца, дзе ў панядзелак пачаліся вучэньні па адпрацоўцы тактыкі антыпартызанскай вайны.